Nafarberri, nafarrerazko egunkari nazionala

Berriemaile deritzon egunkari digital hau, nafarrontzako egunkaria da, nafarreraz idatzita dagoena. Kazetariek nafarreria aipatuko dute, gaskoinerazko, gaztelaniazko edo frantsesezko hitzak albo batera utziz. Euskal Herria, Euskadi eta gainerako hitz geografiko-kulturalak (Euskalerria) edo asmatuak (Euzkadi edo Euskadi) ere ez dira erabiliko informazioetan baldin eta errepresentatzen duten kontzeptuak adierazteko ez bada. Munduko edozein txokotan bizi den nafar edo nafartar orok jaso dezake informazioa Berriemaile-tik, eta hortaz, Nafarroako herritar guztiek dute Berriemaile infoguneko notiziak eta artikuluak jasotzeko eskubidea, herritarrentzako hedabidea delako. Nafarroako herritarrek lagundu nahi badiote nafarrerazko lehen hedabide honi, harremanetan jar daitezke gurekin.

Tokian-tokiko informazioa emateko, Berriemaile-ko kazetariek Nafarroa Osoa dute abiaburu. Hortaz, Nafarroak duen lurralde osoa hartzen da aintzakotzat informazioa emateko orduan. Lau zonaldetan banatzen da informazio nazionala:

• Ipar Nafarroa: Lapurdi, Zuberoa, Biarno, Bigorra, Nafarroa Beherea, Landeta, Labrit... Pabe, Bordele, Tarba, Akize eta Mendi Martzana dira hiririk populatuenak.
• Hego Nafarroa: egungo Espainiar Estatuan dagoen Larreoxa edo Errioxa deritzon komunitate autonomoa.
• Mendebaldeko Nafarroa: Euskal Autonomi Elkarteaz gain, Kantabriako eta Burgosko Iparraldeko lurraldeak ere hartzen dira aintzakotzat barruti zabal honetan.
• Ekialdeko Nafarroa: egungo Nafarroa Garaiak eta ekialdean dauden lurraldeek osotzen dute barruti hau, hala nola, Jakaldeak, Ribagorzak eta Oskaldeak.

Lau barruti horietan eskualdeak bultzatu nahi ditugu Berriemaile egunkari digitalean. Horretarako bertoko kazetariek eskualdeak ere aipatu ohi dituzte albisteetan.